Swara Kenya (Cerkak)

Cerkak dening Junaedi, S.E.

“ Swara angin angin sing ngeridu ati.”

“Ngelingake sliramu sing tak tresnani.”

“Pengin nangis ngetokke eluh neng pipi.”

“Suwe ra weruh senadyan mung ana mimpi.”

Durung wae rampung lehku rengeng-rengeng,  enthuk  sak larik nirokake lagune almarhum Didi Kempot, kebacut kebak banyu mataku, wis ora kanthi tumetes nibani pipi kiwa tengenku. 

Rasa kangen sing manunggal ana ing jero ati, nambahi sesak ambeganku. Kelingan tilas kanca kinasihku, nalika jaman semana. Sarinah Ayu Ningrum jenenge, kaya widadari  sing medun neng bumi seka khayangan . Kenya desa sing lagi dadi sekar desaku. Dadi rerebutan  jejaka sing durung padha payu rabi alias jomblo. Kependem tresnaku nganti tekan ing jero dhadha, meh wae kaya wong edan. Kaya ngene rasane wong lagi kasmaran, ibarate dunya wong loro sing duweni. Liyane padha nyewa kabeh. Paribasan, telek kucing rasa coklat.

***

“Jenengmu sapa cah ayu?”

“Sarinah Ayu Ningrum,... biasa di celuk Sari.”

“Aku, Ratno Suroso,... celuk wae Ratno.”

“Jenengmu apik ...Ratno Karno... kaya jeneng bintang film sinetron sing kondhang kae.”

“Ngawur wae kowe,  jaluk dijewer irungmu po!”

Tresna sepisan mring Sari, rasa iki nganti kepati-pati. Ketoke Sari ya nampa tresnaku ibarate tumbu ketemu tutup. Ora tak gagas, ora tak pikir jeru nek pancene Sari digandrungi para jaka sadesa.Tresna butuh pengorbanan, nek pancene kudu nganggo gembyeng ya bakal talakoni. Nganti tumetesing ludira sing pungkasan.

***

San saya suwe tresnaku mring Sari, san saya jeru. Arep mangan kelingan dekne. Arep minum kelingan dekne. Aku lagi adus eling raine. Aku lagi belanja  eling ayune. Pokoke kabeh ning pikiranku kebak ana sliramu, cah ayu. Seka rikma nganti pucuke suku, sliramu pancene sampurna- sampurnaning makhluq reriptaning Gusti. Aku tresna mring sliramu, saestu.

***

Salah sewijine dina, aku krungu kabar nek Sari melu group vokal SWARA KENYA sing anggotane cewek kabeh tur isih prawan ting ting kabeh. Kepasan sing dadi ketuane Sri Astuti, sedulur misanku. Penasaran pengin nonton dekne pas gladen swara. Naluri  jalerku sanalika kegawa bareng rasa tresnaku marang  cah ayu dewe neng desaku. Dumadakan,  refleks tangan iki  njupuk telepon pinter seko jero saku klambiku, candhake tageser-geser tagoleki nomere Sri.

“Halo Rat.”

“Halo Sri.”

“Ana apa Rat?, koq janur gunung.”

“Aku arep takon Sri, gladene Swara Kenya pendak dina apa ya?”

“Oh, Swara Kenya,.. pendak dina minggu pertama.”

“Nuwun, ya Sri.”

***

Nunggu dina sing taenteni  tumeka yaiku dina Minggu kawitan. Rasane kaya-kaya wis ora kantu. Neng ati marai sesak. Dina Minggu kawitan  akhire wis tumeka. Tarewangi tangi  mruput mlaku  wonten ing griyane bulik, ibuke Sri Astuti, saperlu arep nonton gladene Swara Kenya. Sing duwe omah sajak bingung penasaran delokke lelakonku sing bedha karo adat sabene. Aku wegah ngrungokke omongane tangga sing  ngrasani aku, ora luput kalebu  keluargane bulikku. Siji, loro, telu cah ayu-ayu, mulai padha teka ning griyane bulik. Ora let suwe, akhire Sari kethok irunge. Sakwise padha kumpul kabeh, gladen vokal group sanalika dimulai. Tembang ingkang purwa irah-irahane  “Gundul-gundul Pacul.”

“Wa..kul..ngglim..pang...segane...dadi ...sak.. latar.”

“Wa..kul..ngglim..pang...segane...dadi ...sak.. latar.”

“Subhanallah... Masya Allah, “batinku. Ancene mardu mardika swarane cah ayu-ayu kuwi. Tuman aku ndelok gladen vokal group Swara Kenya. Lagi gladen wae, apike ngene. Kaya apa sesuk nek tampil neng panggung tenanan.

***

Telepon pinterku, muni.

“Assalamu’alaikum ,  Halo mas Ratno Karno?”

“Wa’alaikumusalam. iki Sari yo?”

“Injih, ... mas Ratno sayang.”

“Koq tumben nelpon, wonten dawuh cah ayu ?”

“Sesuk malem Minggu, kulo badhe pentas teng Alkid Yogja, saged nganter boten njih mas?, “ kandha Sari kambi ngrayu.”  Ibarat ketiban duren mateng, Ratno nampa pesenan ojeg online seka langganan  sing paling istimewa.

***

Dina Sabtu malem Minggu candhake. Rampung adus, Ratno  nganggo klambi lan celana jin sing paling apik dewe sing temata ning lemarine. Ora keliwatan,  awake di semprot parfum  bola bali nganti meh enthek sabotol. Kaya ora percaya mring awake dewe, bola bali kaya setrikanan neng ngarep kaca pengilon. (Padahal nek gelem jujur raine Ratno ra kacek padha wingi, Ho oh toh?, “bathine sing nulis).

Ratno mancal gas pit motore tumuju omahe Sari. Sari  sing wis dandan ket mau, wis ora sabaran selak arep numpak ning jok pit motor.  Terus kalorone lungo tumuju Alkid Yogja, boncengan numpak pit motor. Asta kalihe Sari dilungkerke neng ngarep wetenge Ratno. San saya adoh san saya kenceng anggone gocekane Sari. Deg,degan ... jantunge Ratno. Tangan kiwane Ratno milpir-mlipir nyekeli tangane Sari sing gocekan kenceng. Sari ngerti neng tangane di elus-elus Ratno, nanging meneg wae. Kaya dene pasrah sak karepe Ratno. 

Limang menit candhake, pit montore Ratno wis tekan neng ngarep Siti Hinggil, bangunan keraton ana ing sisih kidul. Montore diparkir, cah loro reruntungan tumuju sekretariat panitia acara  HUT TNI lan  HUT DIY. Sinambi nunggu kanca-kanca group vokalis Swara Kenya liyane sing dha durung teka. Ratno ngobrol ngalor ngidul karo Sari, bab apa wae. Nganti tekane Ratno nembak Sari. Ringkese cah loro iki, dadiyan. Ora let suwe, kanca-kancane Sari dha tekan mring sekretariat panitia.

Sajam candhake, grup vokal Swara Kenya di celuk munggah neng panggung karo MC.  Swara Kenya pentas nganti rampung , nampilke rong tembang yaiku tembang Gundul – Gundul Pacul lan tembang Bantul Projo Tamansari. Wengi iku purnama ngetoke pasuryane, kaya pasuryane Sari sing lagi performance nembang. Swarane sae tenan. Kenyane elok tenan. Angine Alkid wengi nambahi syahdune manahku. Rasa bungah salorone,wengi iki  nganti kaya kembang tebu sing kabur kanginan. Persis kaya sing lagi mendem kasmaran, kedanan kahanan.

***

Sesambungan katresnan, tambah rinaket antawisipun  kalih piyantun desa menika. Wontene namung remen saben dinten. Dinten-dintene kagambar mawarna-warni raos kabahagyan. Puji minuji setunggal –setunggalipun.  Raos asih, raos sayang.  Raos kangen, raos rindu. Sedinten boten pinanggih  kadosta setahun raose. Pokokmen Dunya gadahane kekalih. Sanese trimah nyewa.

***

Boten wonten firasat punapa. Dumadakan, telepon  pinterku muni terus.

“Halo.”

“Ha.. lo..., mas Rat, “swara Sari seko mburi telponku.”

“Ho..oh.. ana apa?... sliramu muwun?,” pitakonku.”

“Awake dewe pedhot mas.., ”candhake kambi nangis banter.”

“Apa ?, “ ora kuwawa aku nampa kabar iki, kanhi ra sadar teleponku  tumiba neng jubin keramikku.

Lumakuning urip sing rinancang sarta rinonce, ambyar sanalika. Kenya ayu sing di idam-idamke dadi sigarane nyawa, bakal lunga ninggalke Ratno sanalika. Semana uga jaka idaman sing bakal didadekke imame Sari, tangeh lamun  kelakon. Manah kekaleh ingkang sampun kajiwa kasalira, iso tugel sanalika. Amarga Sari wis di jodokke karo jaka pilihan wong tuane.

***

Saiki, wis ora meneh Swara sing  swarane sae tenan. Wis  ora ana Kenya sing rupane elok tenan. Wis ora ana meneh Swara Kenya. Anane tembang cidro, anane tembang ambyar Banyu Langit reriptaning sang Maesstro Didi Kempot, The Godfather of Brokenhearth.

Jumbuh kaleh kahanane ndalu niki,  adem kesiram udan ing ndalu. 

Saiki dijogeti wae, mbangane cidro, “bengok Ratno karo neruske nembang lagu Banyu Mata.”

“Ngalema ngalem neng dhadhaku.”

“Tambanana rasa kangen neng atiku.”

“Ngalema ngalem neng aku.”

“Ben ra adem  kesiram udan ing ndalu.”

*Junaedi, S.E.,  Cerkakis anyaran, baru belajar cara menulis bahasa Jawa , tinggal di Gedangan RT 02, Padukuhan Ngireng-ireng, Kalurahan Panggungharjo, Kapanewon Sewon, Kabupaten Bantul. No. HP.  088 225 045 416.

Share this post