Roomma Nangka: Carpan Agus Widiey

“Roomma nangka naja 'rassa lakar ongghu sara, saenggha tola' ban yanto ambu ta 'apoasa”

Tepa 'bulan poasa bada settong na' kana 'nyamana tola' mon eterrosaghi nyama lanjhangnga iya areya Tola 'Readi, e ada'na bhengkona tola' tepa 'neng pamengkangnga bannya' kabhungkaan se abuwa akanta; jambu, rambutan, jerruk, ban nangka. saenggha ca-kancana tola 'perna mon esoro amain e bhengkona.

Nang neng, neng nang uy, nang neng neng nang uy, hp na tola 'amonye “Sapa rowa nelpon ya” maca nyama se nelpon anyama yanto kanca se molae ghi' kene'dhari jhu temor “Halo, untuk bhada dimma ba'na? ” Sowarana dari hp" Seengko 'bhada e roma, esoro ajaga ajam mon emma', apa keng? " se tola 'atanya keya “Enja' adha 'marena engko' amaina ka jadiya” “Iyalah” mare nelpon hp na esaba 'ka kasangnga kalambina, bakto jareya tola' lakar ajaga jagungnga se ejemor e taneyanna.Sabab e bulan poasa ojang ekarassa lebbi sabun dhari are-are biasana.

Ta 'abit sakejja' yanto dhateng sambi lok-olokan dhari jaunnah “To, to, to, tola '“ Se tola' lakar ta 'ajawabha sabab na' kana 'jareya jhat badha gilena, saellana dhapa' ka adha'na tola 'se yanto pas ngoca '“ba'na tengel ya, elok-olok ta' endha 'nyaot” “Sapa se nyaota, mon ba'na ghi' bada e lorong, pas long tallongan, ba'na ta 'apoasa apa? ekarekan ta 'pelka' mon pas ajawab sa nyeng-ranyengnga ”etanyaghi aposa yanto laju ajawab” Ya apoasa nyamaba bhai oreng islam ”“ Iya apoasa lo 'olo' “ca” na se tola 'sambi nyengnger “Apana lo' olo '?” “Aposa tape ngakan gan sapolo '“ Ecokoco nga' jareya se yanto lajhu abales keya “Mon ghi 'padha'a jha' ngoca'an oreng, ba'na se poasa neppanen ghi 'ta' eserrae” Se tola 'pas ngoca' “ Jha 'nger-enger mi' ekaeding tatanggha dan budiyan roma re ”“ Iya, iya jha 'ba'na mokka' ka ada '“samarena jhariya, tabu'na tola 'amonye “Ba'na apoasa onggu ya? atanya se tepa 'ka tola' “Ekareken ba'na jare, sateya bhuru olle du (wa ') are masa' la ta 'apoasaa” “ekalaba jha' tola 'apoasa yanto coma aghella'“ Bah, ma 'aghella' yan ” atanya se tola 'ka yanto “Engko' lapar, ba'na emma'na dhamma?” yanto atanya kabhada'anna emma'na “Ka tegghal, ngare 'reya engko' esoro ajhaga ajam ko” tola 'ajharba'aghi kalaban ales marodeng, sabab molae ghella' la mare ekabala pas atanya pole ”Ya, jha 'kose ngoso' poasana mi 'bhattal, ghun kare lapar ”se tola' aberri 'carama sakone'“ To, engko 'se lebat e tegghalla, e adaa'an ngeding roomma nangka ”yanto amolai ka bharang se materroan“ Pas epaberemma'a jha' sateya bulan poasa ta 'ngenneng ngakan ”“ Ca'na sapa ta' ngenngeng ngakan? ” yanto atanya aba'na nyaropae guda'anna setan. 

***

Samarena la siap sakabbhinna alat dhari anthe ban latting tola 'nyoro nae' ka yanto, sabab aba'na mon masala e'nae 'lakar tako'an, yanto nae' ongghu dhapa 'ka attas, ka bhungkana nangka yanto nyare se paleng bhagus ban massa '"Jareya e babana tanangnga massa' laen abasanna dhari baba koneng" tola 'nodhuwagi ka yanto, nemmo massa'na yanto pas ngettok ekala' pas epatoron ka bhaba, kalabhan ate jembhar nangka ekenneng tola 'olle tughas nyeksek nangka samarena la padha kennyang yanto amet ka tola 'kaangguy mole ka bhengkona.

Kalagghu arena ema'na tola 'enga' jha 'nangkana se e obu seddheng mon kala' tepa 'are jareya kaangguy bhuka se daggi' epekkeranna ema'na, saella dhapa 'ka babana bhungkana nangkana ema' tola 'ngabas kole'na nangka atombhugan dhalem pekkeranna la nyanyka jha 'se ngala' nangkana iya areya ana'na dhibi '“Areya pagghun lalakonna tola' ban kancana, sorowa bha'ari 'bakto buka tola' ta 'gencang esoro ngakan” ema'na tola' ghun epangeding ka roomma nangkana, ema'na burung ta 'ngala' pas abhali ka bhengkona ta 'ngeba apa-apa sabab nangkana se laen ghi' bannya 'se matta.

Songennep, 2021

Agus Widiey, tanggal 17 Mei 2002. Noles Carpan melarang santre dan Nurul Muchlish di Pakondhang, Rubaru, Songennep, Madura.

Share this post